شخصيات البنات مضحكه

شخصيات البنات والله فله ومضحكة

الكشيخه:
هذي من تشم ريحة طلعة
تروح تطق لك الميك آب وذاك اللبس الزين وتقعد تزين في هالشعر
يعني مايهمها رايحه للسوق ..للجامعة..زيارة عائلية ...كاشخه كاشخه لو انشاء الله تاخذ لفة حول البيت



2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتفرق معها
لكن فيه دلع عن دلع
الدلع اللي يجي على طبيعته..ياااااااحلوه
لكن الدلع المصطنع ..ووااع ع ع ع ..ودك تشوتها إذا جت تتكلم



3- البنات النصابات :
هذي الكذب عندها ماشي سوقه .. تجيب لكم ذيك الكذبه اللي مو صاحية وتدري انكم ماتصدقونها بس ماعليها من أحد
( فلانه ليش ماشريتي تلفون ابو كاميرا تقولك والله انا شايفه تلفون عاجبني توه مانزل هنا ...تمـــــر السنين .. وتسألها تقولك إلا الآن مانزل ..)
مدري متى بينزل االخ ..بس تدرون إذا نزل علمتكم



4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معه... ولو تقولها خير حذفتك بأكبر ما عندها
هذي لو تمر الذبانه عند خشمها ياويلها




5-الملسونه :
هذي لسانها دايم ناشب في حلقها وعسى ما تقولها كلمه إلا ردت عليك بعشر
يعني يجيك شاب فـي حااالة ماله شغل .. وتجي البنت تقول : شوفي هذا قليل الأدب من الصبح يلاحقنا ..
مالت عليه .. ودك من يسنعه .. لازم أهزئه عشان يحرم يلحق أحد ..وهو مو لاحقها ولا شي الضعيف هو في وادي وهم في وادي ثــــــــــــاني



6-راعية سوالف:
يووه هذي النوعية متعبة حيييل
يعني تجيك الوحدة تسولف تسولف تسولف... ويالله سكتها إن كانك شاطر
من وين تجيب هالسوالف ماأدري.. وأتحدى إن خلتك تسولف



7- الضعيفة :
فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...



8-فرفووشة و فروووحة :
يعني تحب الضحك والفرفشة والتعليق .. النكدوالملل والطفش ماتعرفة ..وتموت وتتعب نفسيتها اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف الخدامه تعلق عليها ولاتروح تطالع وجههاا بالمراية وتقعد تعلق على نفسها وتضحك



9-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على شنو شايفة نفسها ... مادري
ماتكلم الناس إلا من طرف خشمها ... واذا ردت ترد عقب الشين



10-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها .. هذي إن قعدت معها جتك الزيران غصب



11-العناد :
بعض البنات عنيدااات
يعني إذايبوون شي سوووه ولا عليهم من أحد
تنجلد.. تنطق طرقات. تنحبس.. تتصفق.. تتلسب بالعقال ..ماعليها أهم شي اللي في بالها سوته.


الحنانه :
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالدندررررره
يعني إذا بغت شي تقعد تحـــــــــــن على راسك لما تعطيها اللي تبيه



13-الكريمات:
هذي رهيبه عسى ماتقول أبي شي إلا وهي جايبته لك ..
وإذا راحت سوق او مكان تطير لفلووس اللي في البوك كلها


14- غيووووورة :
كل البنات غيورات لكن نسبتها تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة حييل


15-راعية السوق
هذي لو تجيب طاري السوق وهي نايمه فزت
وداايم دوووم بالسوق ..لو ماتشتري بس تروح للسوق هذي هي هوايتها



16-الطبيخة :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها


17-تمســـكن لين تمكـــــــــن :يعني بالعربي ملكعـــــــــه <<< طبعا فاهمينها



18- أم دميعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
بس القهر اذا الوحدة ماتبي تنزل دمعتها عشان موقف وتنزل هالدموع غصب.

تسلموووون على ردودكم
بس هو في قسم الضحك والفرفشه؟؟

هههههههههه

الموضوع رووووووووووووووووووووووووعة

الكلام صح

تسلمين

خخخ اجل انا اللي ملخبطه

مشكورين يا حلوين على الردود