عصير دف دف للحلوين جربووه

حبيت انزل لكم موضوع قرأته ..

نبدأ

شوفوا هذا الله يسلمكم فيه عصير اسمه عصير دف دف

وهو شهير جداً جداً في منطقة مثلث برمودا ( يعني اسألوا كل واحد راح هونيك )

المهم البعض منكم عمره سمع فيه والبعض لااا ..


يالله طولت عليكم

:: المقادير ::

1/ شراب التوت ( كريستال ) ( المقدار ثلاث ارباع كأس الماء )



( اقسم بالله واحد يحط فيمتو والا غير نوعية التوت لا تلومون الا نفسكم) << اووويه



2/ علبة سفن آب ( ابو ريال ) << ماهو تروح تجيب علبة كبيره مسوي اقتصادي ترى مايضبط




3/ كأس ماء فارغ علشان تعبي فيه ثلاث ارباع عصير توت << انا وش قلت كأس ماء يعني مو كأس عصيرات وتقديم وتسوي انك برستيج



كأس خلاط << اذا ماعندكم عادي ينفع كأس جيرانكم او كأس الملك او حتى بطوله الدوري

5/ ثلج << عاد قويه احد مايعرفه والا تبون اصوره بعد

:: الطريقه ::

يوضع نصف او ثلاث ارباع كأس الخلاط ثلج ( الثلج مكسر صغير لاتنكسر الخلاطه واقعد ابلش بكم )
ثم يصب فوقه علبه السفن آب كاامله ثم يصب فوقه ( ثلاث ارباع كاس الماء ) عصير التوت
ثم يخلط ويخلط ويخلط ويخلط ويخلط ويخلط ويخلط ويخلط ويخلط ويخلط ويخلط ويخلط ويخلط ويخلط << يااخي ابيكم تفهمون انه يخلط جيداً
ثم يوضع في ( الجيك وفي روايه الابريق ) ثم يقدم باردا ويدحدر ليبرد على التسبد << اسم حائلي لـ عضو بالجسم يقال له الكبد


:: ملاحظات ::

1/ السفن أب لازم يكون باااااارد ماهو تروح تجيب حار وتقول طعمه ماهو زين < حطه بالفريرز قبل ماتسوي العصير بساعه

2/ كأس الخلاط لازم كبير اذا هو صغير يقسم المقدار

3/ يستحب ان تسوونه قبل الفطور بربع ساعه علشان اول ماتخلص تقدمه << له نكهه مميزه اما اذا سويته بالثلاجه لاتلوم الا نفسك




عاد اي واحد يسويه يكتب لنا تجربته ورأيه فيه مو تقولون ( يعيطك العافيه ومدري وشو ) وبالاخير ماتسوونه ترى ما انزل لكم عصاير وطبخات

يالله فتكم بعافيه



ملتووووش