اولا فطائر البيتزاا
المقااادير : 1 علبه صلصه البيتزا ( اي صلصه بيتزا تلقونها في السوبرماركت )
توست ابيض
وجبن موزريلا المبشور ( تلقونه في قسم المثلجات والمكرونات )
الطريقة :
تجيبون التوست وتسون فيه زي الصورة دوائر يعني بالكاس
وتحطونها في صينه السودا هذيك حقت الفرن وتخلونها خمس لعشر دقايق الى تذوب الجبنه شوي يعني كل شوي تطلون عليها بس عاد لا تدخلون راسكم جوا وتنحرقون ويجيكم شي بسم الله عليكم وتقووم تدعون علي في هالرمضانيه
و طلعوها وبالهنا والشفا
طبعاااا قلت ما يصلح فطوور بدون حلا فلازم احطلكم وصفه حلى رهييب وسهل بس لا تسون زي ما سويت لاني كنت مستخدمه صينه القزاز (البايركس ) في اكله ثانيه فقمت حطيتها في قوالب الكيك والظاهر ان المفروض اني ما املي القوالب لاني لما جيت افتح الفرن لقيت الكيك كله طالع بره
والفرن تعبا كيك بس والله ريحته كانت حلوه
بس طبعااا يتبظط ويناكل وشوفو معااي الطريقه ولا تسون زي ما سويت
يعني الزبدة حطوها في صينه قزاز (بايركس )
وهذه هي الطريقة:
ثانياا كيك جوز الهند
المقااادير :
1 علبه كيك بتي كروكر النص جاهز
علبه حليب محلى ( Sweetened condensed milk ) تلقون مرسوم عليه كيك وحلويات
كيسه جوزالهند
الطريقة :
نخلط الكيك مع الا وهو الزيت والبيض والمويه زي ماهو موضح خلف الكرتونه
ونحطه في صينه باريركس (قزاز ) او اذ تبون تسون سواتي حطوه في قوالب كيك ودخلوه الفرن
تقريبا نص ساعه لين يستوي
ويجي السؤااااااااااااااااااااااااااااال الي كلنا نعرفه
كيف نعرف انه مستوي
؟؟ نجيب الشوكه << امي بتذبحني بهالشوكه
ونغرزها في الكيك اذا طلعت تلمع وماعليها اشياء ملزقه فاعرفو انها مستويه
وبعدين نجيب مقلاه ونضعها على النار الهاديه ونضع فيها الجوز الهند ونحمصه ونحمصه ونحمصه
الين يصبح لونه بني فاتح اللون ثم نغلق النار ونضعه على جنبه
.. احمم تعبت من الكلام الفصحه مدري كيف كانو يحكون فيه اول ههههههه
المهم .. وين وصلنا ايوااا طلعنا الكيك من الفرن وبعدين نجيب ملعقتين من الحليب المحلى ندهن فيهم الكيك كانكم تدهنون ساندوتش جبن << ام التشبيه ياشيخه
وبعدين نحط فوقه الجوز الهند المحمص وندخله في الثلاجه شوي وبعدين نقطعه بالسكين وناكله همم همم << (ذكريات الطفوله انشودة خروفي خروفي ) وبالهناا والشفااا